RUS
SMARTNEWS.KZ басылымының хабарлауынша, Алматыдағы «Райымбек» тұрғын үй кешенінде 18 жастағы қыз 9-қабаттан құлап, тірі қалды.
Куәгерлердің айтуынша, құлағаннан кейін бойжеткен қатты айқайлап, ауырсынған. Оқиға орнына жиналған тұрғындар қызды іш киіммен ғана жатқанын байқап, оны жаймамен жапқан.
Жедел жәрдем оны дереу ауруханаға жеткізген. Алдын ала мәлімет бойынша, оқиға алдында қыз құрбысымен бірге алкоголь ішкен және мас күйде болған.
Жетісу аудандық полиция басқармасы өзіне қол жұмсау дерегі бойынша қылмыстық іс қозғады. Дегенмен тергеушілер оқыс жағдай нұсқасын да жоққа шығармай отыр.
«Қазір оқиғаның себебі мен мән-жайы анықталып жатыр», – деп хабарлады полиция өкілдері.