RUS
SMARTNEWS.KZ басылымының хабарлауынша, Қазақстан футбол федерациясы ұлттық құраманың бас бапкері қызметіне италиялық маман Массимо Каррераны шақыруды жоспарлаған. Алайда белгілі жаттықтырушы отбасылық жағдайына байланысты елге келе алмады.
Ақпарат көздерінің мәліметінше, 61 жастағы Каррера Қазақстанға келіссөз жүргізу үшін ұшып келуі тиіс болған. Бірақ жоспар өзгеріп, келісім жүзеге аспады.
Қазір Қазақстан футбол федерациясы бас бапкер лауазымына басқа шетелдік үміткерлерді қарастырып жатыр.
Массимо Каррера футбол жанкүйерлеріне Мәскеудің «Спартак» командасымен бірге Ресей чемпионатының «алтын» жүлдесін жеңіп алған жаттықтырушы ретінде белгілі. Сондай-ақ ол Италия құрамасында, «Ювентус», гректің АЕК, италиялық «Бари» мен «Асколи» клубтарында жұмыс істеген.