RUS
SMARTNEWS.KZ басылымының хабарлауынша, әлеуметтік желілерде Дінмұхамед Қонаевқа арналған ескерткіштің суреті үлкен резонанс тудырды. Суреттерді Telegram-арнасында журналист Михаил Козачков жариялаған.
Оған ескерткіш бейнеленген суреттерді оқырмандары жолдаған. Әсіресе монументтің артқы жағынан түсірілген кадрлар желі қолданушыларының наразылығын туғызды.
Бұл жағдайға байланысты Жетісу облысы әкімдігі әлі ресми жауап берген жоқ.
Айта кетейік, 1993 жылғы 22 тамыз күні сағат 18:00 шамасында Ақши ауылында мемлекет және қоғам қайраткері Дінмұхамед Қонаевтың жүрегі тоқтаған. Кейінірек саясаткердің өмірінің соңғы сәттері өткен үйдің алдына ескерткіш орнатылған.