RUS
SMARTNEWS.KZ басылымының хабарлауынша, Абай облысы Аягөз ауданы әкімінің орынбасары лауазымына Айбек Серікболұлы Нұғымаров тағайындалды.
Айбек Нұғымаров 1987 жылғы 3 маусымда Абай ауданының Құндызды ауылында дүниеге келген. Ол Семей политехникалық колледжін және Семей мемлекеттік педагогикалық институтын тәмамдап, кейін Қазақ инновациялық гуманитарлық–заң университетінде «Заңгер» мамандығын игерген. Сондай-ақ Еуразия ұлттық университетінде құқықтану магистрі дәрежесін алған.
Еңбек жолын 2010 жылы Семей қаласындағы олимпиадалық резервтегі №1 балалар мен жасөспірімдер спорт мектебінде жаттықтырушы-оқытушы болып бастаған. Кейін 2013–2019 жылдары ШҚО дене шынықтыру және спорт басқармасының бұқаралық спорт түрлерінен жоғары спорт шеберлігі мектебінде аға нұсқаушы-әдіскер қызметін атқарды.
2019 жылдан бастап Семей қаласындағы Көлік колледжінің директоры лауазымында болған.
Айбек Нұғымаров – қазақ күресінен Қазақстанның еңбек сіңірген спорт шебері, дзюдо мен самбодан спорт шебері. Ол қазақ күресінен 10 дүркін Қазақстан чемпионы, 4 дүркін Азия чемпионы, 3 дүркін Әлем кубогының иегері, 4 дүркін Әлем чемпионы, сондай-ақ «Еуразия Барысы» мен «Әлем Барысы» турнирлерінің бірнеше дүркін жеңімпазы.
Бұған қоса, ол «AMANAT» партиясы Саяси кеңесінің мүшесі әрі VII және VIII шақырылымдағы Абай облыстық мәслихаттың депутаты болған.
Айбек Нұғымаров мемлекеттік наградалармен және жоғары марапаттармен де иеленген.