RUS
SMARTNEWS.KZ басылымының хабарлауынша, Тимур және Динара Құлыбаевтардың ұлы Алтай Асқар Кипр азаматтығын сұраған. Бұл туралы Telegram-дағы «Выход к морю» арнасы хабарлады.
Мәліметке сүйенсек, Алтай Асқар 2019 жылы Кипрдің «инвестиция арқылы азаматтық алу» бағдарламасына өтініш берген. Бұл бағдарлама біраз айдан соң, 2020 жылдың қарашасында Еуроодақ қысымынан кейін жабылған еді.
Өтініш туралы ақпарат Кипрдің мемлекеттік газетінде жарияланған. Мұндай өтініштердің нәтижесі ашық түрде жарияланбайды, алайда сол кезеңде Кипр билігі әлемнің түкпір-түкпірінен келген бай инвесторлардың дерлік бәріне оң жауап берген.
Жергілікті БАҚ-тың жазуынша, кей жағдайда тіпті өз елінде қылмыстық іздеуде жүрген шетелдіктер де Кипрдің «алтын паспортын» алған. Бұл жағдай Еуроодаққа ұнамай, 2020 жылы Al Jazeera арнасы жариялаған ірі журналистік зерттеуден кейін халықаралық жанжалға ұласқан.
Осы дауылдан соң Брюссельдің қысымымен Кипр үкіметі «алтын паспорт» бағдарламасын толық жапты.Бағдарламаны жапқанға дейін 7 мыңға жуық адам (инвесторлар және олардың туыстары) Кипр азаматтығын алып үлгерген.
Басты өтініш берушіге Кипр паспортының құны шамамен €2,5 млн болған, бұл 2019 жылғы бағаммен есептегенде шамамен 1,07 млрд теңге. Сондай-ақ белгілі болғандай, Алтай Асқардың Швейцарияда резиденттік картасы бар, ал тұрақты мекенжай ретінде осы елді көрсеткен.
Айта кетейік, Қазақстан заңнамасы қос азаматтыққа қатаң тыйым салынған.