Такси жүргізушісі мас клиентін көлікте зорлағаны үшін қамауға алынды
21 жастағы қызды таксист азғындаған көрінеді.
SMARTNEWS.KZ басылымының хабарлауынша, Мәскеуде такси жүргізушісі 21 жастағы қызды көлікте зорлады деген күдікпен ұсталды.
Останкин ауданаралық тергеу бөлімі таратқан ақпаратқа сәйкес, оқиға 2025 жылғы 19 қазанда болған. Брянск облысының тумасы барлардың бірінің маңында тұрған кезінде мас күйдегі қызға үйіне жеткізіп тастаймын деп ұсыныс жасаған.
«Жәбірленуші келісіп, күдіктінің көлігіне отырған. Жол үстінде ол ұйықтап қалған сәтті пайдаланған жүргізуші қызға қатысты сексуалдық сипаттағы зорлық әрекеттерін жасаған. Оқиғадан кейін жәбірленуші бірден полицияға шағымданды», — делінген тергеу комитетінің хабарламасында.
Полиция мен тергеушілердің жедел жұмысы нәтижесінде күдікті қысқа мерзім ішінде ұсталды. Оған Қылмыстық кодекстің 132-бабы, 1-бөлігі («жыныстық сипаттағы өзге де зорлық әрекеттері») бойынша айып тағылды.
Соттың санкциясымен күдікті қамауға алынды. Тергеушілер оның осындай басқа қылмыстарға қатысы бар-жоғын да тексеріп жатыр.
Материал авторы
