Маңғыстау облысында жолға шыққан жылқы екі адамның өмірін қиды
Жылқы жолға атып шыққан.
SMARTNEWS.KZ басылымының хабарлауынша, 26 қазан күні таңертең Бейнеу – Шетпе – Ақтау тасжолында болған жол апатынан екі адам қаза тапты. Бұл туралы Маңғыстау облыстық полиция департаменті жеткізді.
Полицияның мәліметінше, сағат 07:30 шамасында Mercedes-Benz көлігінің жүргізушісі жол бойына кенет шыққан жылқыны қағып кеткен. Артынан келе жатқан Nissan Teana көлігі де тежеп үлгермей, жануармен соқтығысқан.
Соққы салдарынан Mercedes-Benz автокөлігіндегі екі жолаушы оқиға орнында көз жұмған. Қазір аталған факті бойынша Қылмыстық кодекстің 345-бабы («Жол қозғалысы ережелерін бұзу, адам өліміне әкеп соқтыру») бойынша іс қозғалды.
Материал авторы
Дана Асылбекқызы
Тілші