RUS
SMARTNEWS.KZ басылымының хабарлауынша, Ресей Мемлекеттік думасы азаматтарды әскери қызметке шақыру тәртібіне қатысты заңға түзетулер енгізді. Енді әскерге шақыру жылына екі рет емес, үздіксіз — 1 қаңтардан 31 желтоқсанға дейін жүргізілетін болады.
Депутаттар бұл өзгерісті үшінші оқылымда қабылдап, оны Ресей президентінің жарлығы негізінде жүзеге асыру қарастырылғанын атап өтті.
«Әскерге шақыруға жататын, әлі қорда жоқ азаматтарды әскери қызметке президент жарлығы негізінде жыл бойы — 1 қаңтардан 31 желтоқсанға дейін шақыру көзделеді», — делінген Мемдума сайтындағы хабарламада.
Қазіргі тәртіп бойынша Ресейде әскерге шақыру жылына екі рет өтеді:
1 сәуірден 15 шілдеге дейін,
1 қазаннан 31 желтоқсанға дейін.
Жаңа заң бойынша азаматтарды әскери бөлімдерге жөнелту мерзімі бұрынғысынша екі кезеңде өтеді, алайда шақыру науқаны тұрақты түрде жүргізіліп отырады. Сондай-ақ, енді әскери комиссариаттың шақыртуы электронды реестрде жарияланған күннен бастап 30 күннен кешіктірілмей орындалуы тиіс.
Айта кетейік, бұл өзгерістер Ресейде мобилизациялық жүйені күшейтудің бір бөлігі ретінде қаралып отыр.