RUS
SMARTNEWS.KZ басылымының хабарлауынша, Мәскеудің «Динамо» клубының жартылай қорғаушысы Бителло «Зениттің» қақпасына соққан голдан кейін Ресей спорт баспасөзі Қазақстан құрамасының қорғаушысы Нұралы Әліптің әрекетін сынға алды.
Бұрын «Зенит» сапында ойнаған ресейлік футболшы Игорь Семшов бұл эпизодқа қатысты пікір білдірді.
«“Динамо” гол соққан сәтте Мостовойға қарсы ешқандай ереже бұзылған жоқ деп ойлаймын. Бұл футбол — балет емес, мұнда күштік күрес бар, соны қабылдай білу керек. Иә, жеңіл жанасу болды, бірақ фол емес.
Ал сұрақ Әліпке қатысты. Ол сол сәтте қолын көтеріп, төрешіге белгі беріп тұр. Бірақ футболда “ысқырғы шыққанша ойнау керек” дейді ғой. Ол сигналдан кейін ғана подкатқа кірді, бірақ тым кеш болды. Егер бірден әрекет етсе, допты алып үлгерер еді», – деді Семшов.
Оның айтуынша, дәл сол эпизодта “Динамо” ойыншылары жылдамдық артықшылығын сәтті пайдаланып, шабуылды нәтижелі аяқтаған.
«Глебов тамаша пас берді, ал Бителло бәрін сауатты орындады. Бір ғана сәт — және “Динамо” осы мүмкіндікті толық пайдаланды», – деп қорытындылады экс-футболшы.
Айта кетейік, матч 2:1 есебімен “Динамоның” жеңісімен аяқталды, ал Нұралы Әліп бұл ойында толық құрамда алаңға шыққан еді.