RUS
SMARTNEWS.KZ басылымының хабарлауынша, бұрынғы мемлекеттік қызметкер, экс-вице-министр және Президент Қасым-Жомарт Тоқаевтың бұрынғы кеңесшісі Ержан Бабақұмаров қаза тапты. Бұл туралы Orda.kz жазды.
Бабақұмаров мемлекеттік қызметті 1990-жылдары Алматы қаласы әкімінің аппаратында бастаған. Кейін Президент әкімшілігіне ауысып, ішкі саясат бағытын қадағалады және сол кезде Елбасы жанындағы Ақпарат орталығын басқарды.
2006 жылы ол Мәдениет вице-министрі қызметіне тағайындалды, кейін премьер-министр Кәрім Мәсімовтің кеңсесінде жұмыс істеді.
2019 жылы Бабақұмаров Қасым-Жомарт Тоқаевтың кеңесшісі болып, кейін Алматы қаласы әкімінің орынбасары лауазымына ауысты. Бұл қызметтен ол Бақытжан Сағынтаев қызметінен кеткен соң бірге кеткен еді. Соңғы атқарған қызметі — Орталық коммуникациялар қызметінің директоры.
Ержан Бабақұмаровтың жасы 56-да еді. Артында жұбайы, ұлы мен қызы қалды.
«Қаңтар оқиғасынан» кейін ол көпшілік назарынан кеткен. Соңғы рет биыл көктемде саясат тақырыбында сарапшы ретінде сұхбат берген болатын.
2025 жылдың ақпанында ол мас күйінде көлік жүргізгені үшін ұсталып, сот шешімімен жүргізуші куәлігінен айырылған.