RUS
SMARTNEWS.KZ басылымының хабарлауынша, Құрманғазы ауданында мемлекеттік қызметкердің өліміне қатысты тергеу басталды.
Атырау облысының полиция департаменті 36 жастағы жер қатынастары, сәулет және қала құрылысы бөлімінің басшысы өз-өзіне қол жұмсағанын растады.
Оқиға 30 қазаннан 31-іне қараған түні болған. Полиция Қылмыстық кодекстің 105-бабы («Өзін-өзі өлтіруге дейін жеткізу») бойынша іс қозғап, қажетті сараптамалар тағайындады.
Белгілі болғандай, марқұм өзінің аңшы мылтығынан оқ атып, оқиға орнында қаза тапқан.
Дереккөздердің айтуынша, шенеунік отбасылық жанжалдан кейін осындай қадамға барған.
– Ол қарапайым қызметкер болатын. Жергілікті жігіт, өз еңбегімен көтерілген. Соңғы уақытта ажырасу процесінде жүргені айтылған. Төрт баласы бар еді, – дейді марқұмды танитын ауыл тұрғыны.
Қазір сот-медициналық сараптама жүргізіліп жатыр.
Тергеу амалдары Атырау облыстық полиция департаментінің бақылауында.
Құрманғазы ауданы әкімдігінен әлі түсініктеме берілген жоқ.