RUS
SMARTNEWS.KZ басылымының хабарлауынша, Канада премьер-министрі Марк Карни АҚШ президенті Дональд Трамптан жеке кешірім сұрады. Бұған себеп — АҚШ енгізген баж салығына қарсы жасалған саяси жарнама. Карни кешірімін Оңтүстік Кореяда өткен Азия-Тынық мұхиты өңірі саммитіндегі ресми аста айтқан.
Оның айтуынша, ол Онтарио премьері Даг Фордқа аталған жарнаманы эфирге шығармауды алдын ала өтінген. Роликте Рональд Рейганның «сауда соғыстары ешкімге жеңіс әкелмейді» деген сөзі пайдаланылған. Бірақ Форд тыңдамаған — жарнама жарияланды. Трамп жауап ретінде канадалық тауарларға тарифті көтеріп, Оттавамен сауда келіссөздерін тоқтатты.
АҚШ президенті кейін Карнимен «жақсы сөйлескенін» айтты. Дегенмен байланыстарды қалыпқа келтіру бір күнде шешілетін шаруа емес — келіссөздер әлі басталған жоқ.
Азия турнесі кезінде Карни ҚХР төрағасы Си Цзиньпинмен де кездескен. Ол бұл диалогты екіжақты қатынастағы «бетбұрыс сәт» деп сипаттап, Канада АҚШ-қа экономикалық тәуелділікті азайтуға кіріскенін мәлімдеді.