RUS
SMARTNEWS.KZ басылымының хабарлауынша, Астанада қызық құқықтық жағдайға тап болған автосату ісі қаралды. Көлігін сатып, ақшасын толық ала алмаған әйел ақыры сотқа жүгінген.
Сот материалдарына сәйкес, тараптар 2024 жылдың наурызында көлік сату жөнінде келісімшарт жасасқан. Құны — 10,5 млн теңге. Оның 3,5 миллионы сол кезде төленген, ал қалған 7 млн теңге 21 мамырға дейін аударылуы тиіс еді. Уәде орындалмаған соң, сатушы қарызды, өсімпұлды және сот шығындарын өндіруді талап етіп арыз берген.
Ал жауапкер өзін кінәсіз санады: ол ақшаны сөзінше әйелдің бұрынғы күйеуіне берген, сол арқылы есеп айырыстық деп түсіндірген.
Сотта анықталғандай, үшінші тұлғадан түскен аударымдарда «көлік ақшасы» деген белгі жоқ. Сондай-ақ жауапкердің міндетін басқа адамға жүктейтін жазбаша келісім де болмаған. Яғни экс-күйеуінің «делдал» болатыны дәлелденбеді.
Салдарынан, сот сатып алушының міндеттемені орындамағанын мойындап, одан 7 млн теңге қарызды, айыппұлды және сот шығындарын өндіру туралы шешім шығарды.
Үкім заңды күшіне енді. Ақша әйелге толық көлемде қайтарылғаны хабарланды.