RUS
SMARTNEWS.KZ басылымының хабарлауынша, екінші тоқсанда Қазақстан халқының 5,1%-ы күнкөріс минимумынан төмен табысқа күнелтіп отыр. Бұл — 1 миллионнан астам адам. Ал ең төменгі шек деп белгіленген 56 208 теңге қазір бір адамға бір айға жетуі тиіс ақша.
Ұлттық статистика бюросының дерегінше, елде 185 мыңнан аса отбасының табысы осы шектен төмен. Оның ішінде 38 мыңға жуық адамға тіпті ең қарапайым азық-түлік себетін алуға да ақша жетпейді.
Қай өңірде жағдай ауыр?
Түркістан облысы – елдегі ең жоғары кедейлік деңгейі: 9%
Жетісу және Абай облыстары – тиісінше 7,8% және 7,7%
Астана – ең төмен көрсеткіш: 2,9%
Қалада кедейлік үлесі – 3,8%, ауылда – 7,3%. Яғни ауылдық қазақстандықтардың жағдайы айтарлықтай күрделі.
Отбасы неғұрлым үлкен болса — тәуекел соғұрлым жоғары
5 және одан көп адам тұратын отбасыларда кедейлік деңгейі – 9,26%
4 адам – 3,26%
2 адам – 0,38%
Жалғызбастылар – 0,19%
Соңғы динамика
2025 жылдың І тоқсанында – 4,5%
2024 жылдың IV тоқсанында – 4,8%
Яғни жағдай нашарлап барады. Кедейлер саны өсуде, ал азық-түлікке жалақысы жетпейтіндер екі еседен көпке артқан.