RUS
SMARTNEWS.KZ басылымының хабарлауынша, Түркістан облысы, Қазығұрт ауданында «Жұлдыз» ресторанында өткен той кезінде өрт шықты. Видеоларда қонақтар мен жас жұбайлар залдан айқайлап шығып жатқан сәттер көрініс тапты.
Әкімдіктің хабарлауынша, өрт 30 қарашада 150 шаршы метрлік банкет залында шыққан. Жалын 30 шаршы метр төбелік жабынға зақым келтірген.
Алдын ала анықталғандай, өрт фейерверк іске қосылған сәттегі электр желісінің қысқа тұйықталуынан пайда болған. Сондай-ақ, өрт қауіпсіздігі ережелерінің 86 және 224-баптары бұзылғаны анықталды. Зал иесі бұл кемшіліктерді мойындап, толық түсініктеме берген. Өрт-техникалық сараптама жүргізуге қажеттілік жоқ.
Зал иесі өрттен материалдық шығын болмағанын айтып, ешкімге шағым түсірмейтінін мәлімдеді. Алайда әкімшілік құқықбұзушылық ретінде айыппұл салынды.