RUS
SMARTNEWS.KZ басылымының хабарлауынша, Астанадағы «Еркежан» тұрғын үй кешеніндегі хостелде түн ортасында бойжеткенді бөлмеден шығарып жіберген видео тарады.
Видеода ер адам қызға дауыс көтеріп, ұялы телефонын жұлып алады да, өзін далаға қуып шығарады. Жәбірленуші видеодағы ер адамның хостел иесі екенін және одан сексуалды қысым көргенін айтты. Бұл туралы 31-арнаның «Информбюро» бағдарламасы хабарлады.
Қыздың сөзінше, хостел иесі бірнеше рет оның қорғансыз күйін пайдаланып, зорламақ болған.
«Оны қолымнан ұстап 1-қабатқа түсірдік. 8-қабатта болды, секіріп кетеді деп қорықтық. Соттың шешімімен ғана шығару керек еді. Соған байланысты 78 мың теңге айыппұл салынды. Бұл 1–2 ай бұрын болған оқиға», – дейді хостел иесі Жеңіс Қыдыров.
Ал бойжеткен хостел иесінің әрекеттерін нақты сипаттады:
«Өзі шешіне бастайды, менің көйлегімді тартып жыртып тастайды. «Ағай, жіберіңізші» десем де қоймайды. Зорламақшы болды. Мен бұрышқа тығып жылап отырдым, өзі істегінін істеп, киініп кетті... «Кеудең ашық тұрсын, аяғың ашық тұрсын, қазір істейтінімді істеймін» деді», – деп бөлісті жәбірленуші.
Қыз бұл жағдайға полицияға бірнеше рет шағымданған, алайда іс қозғалған жоқ. Хостел иесі болса, айтылғандарды жоққа шығарып отыр:
«Ондай ештеңе болған жоқ. Дәлел болса, көрсетсін. Бұған дейін де жазуға мүмкіндік болды. Менің ойымша, жұмыстан кеткеннен кейін біздің бизнеске қастандық жасап жатыр», – дейді Жеңіс Қыдыров.