RUS
SMARTNEWS.KZ басылымының хабарлауынша, Оралда қоқыс контейнерінен табылған жаңа туған сәбидің өліміне қатысты тергеу тоқтатылды. Полиция нәрестенің анасын табуды бірнеше ай жүргізгенімен, нәтиже шықпаған.
Еске салайық, 14 тамыз күні Зачаганск кентіндегі «Бірлік» көшесінде қоқыс жәшігінен нәрестенің денесі табылған еді. Бұл бойынша сотқа дейінгі тергеу басталып, тиісті сот-медициналық сараптамалар тағайындалды.
Қыркүйекте полиция анасының табылмағанын айтып, іздеу жалғасып жатқанын хабарлаған. Алайда сараптама қорытындысы нәрестенің өлі туғанын көрсетті.
Қазірге дейін баланың анасы анықталмаған.
Полиция департаменті қылмыстық істі Қылмыстық кодекстің 31-бабы тәртібімен тоқтату туралы шешім қабылдағанын, шешім қадағалау органы тарапынан келісілгенін мәлімдеді.