RUS
SMARTNEWS.KZ басылымының хабарлауынша, Шымкент қаласының тұрғыны мессенджер арқылы оңай ақша табуға алданып, ақыры қылмыстық істің басты фигуранты атанды. Оның сөзінше, белгісіз адам оған банк шотын қолма-қол ақша айналдыруға пайдалануды ұсынған. Ол ұсынысқа келісіп, банк қосымшасына бөтендердің қол жеткізуіне рұқсат берген.
Жас жігіт кейін бұл іске таныстарын да тартып, бірнеше адамды қылмыстық жауапкершілікке итермелеген. Тергеу мәліметінше, оның шоты арқылы 141 млн теңге заңсыз айналып, қолма-қол берілген. Ол ақшаны кімдерге жібергенін де білмеген.
«Мен өз онлайн-банкімді үшінші тұлғаларға қолжетімді еттім. Олар ірі сомаларды шешіп алып, маған қайта беріп отырды. Таныстарымды да тарттым — қазір олар да тергеуде. Өзімді де, отбасымды да қиын жағдайға қалдырдым. Мен қылмыс жасадым», — дейді күдікті полиция жариялаған бейнежазбада.
Құқық қорғау органдары мұндай адамдарды «қылмыстық ақша айналымының арадағы буыны» ретінде сипаттайды — олар жеке деректерін беріп, күмәнді аударымдарға көмектеседі.