RUS
SMARTNEWS.KZ басылымының хабарлауынша, Алматыда 3 қараша күні күндіз Бостандық ауданында 12 жастағы оқушы қызды жаяу жүргіншілер өткелінде көлік қағып, оқиға орнынан бой тасалаған.
Алдын ала дерекке сәйкес, Hyundai Accent автокөлігінің жүргізушісі қыз жолды «зебрамен» кесіп өтпек болған сәтте соққы жасап, тоқтамастан ізін суытқан.
Қалалық полиция департаменті қашып кеткен жүргізушіні анықтау және ұстау бойынша іздестіру шаралары жүріп жатқанын хабарлады.
Оқушыға дәрігерлер оқиға орнында алғашқы көмек көрсеткен. Қуанышқа орай, оқушы ауыр жарақат алмай, ауруханаға жатқызу қажет болмаған.