RUS
SMARTNEWS.KZ басылымының хабарлауынша, Астанадағы жеңіл рельсті көлік (LRT) жобасы 2026 жылы іске қосылады деп уәде етілген. Алайда республикалық бюджеттің 2026 жылға арналған жобасында бұл «ұзақ ғұмырлы» нысанға тағы 66 миллиард теңге қарастырылған.
Құжаттарды зерделеген соң бұл ақша жаңа құрылысқа немесе қосымша кезеңге арналмағаны белгілі болды. Астана әкімдігі түсіндіргендей, қаражат тек бұрын атқарылған жұмыстардың қосылған құн салығын (ҚҚС) төлеуге бөлінеді.
Басқаша айтқанда, схема былай жұмыс істейді: мемлекет 66 миллиард бөледі — кейін сол ақша салық түрінде қайтадан бюджетке оралады. Яғни кәдімгі «бюджет ішіндегі айналым», нақты нәтиже жоқ.
LRT тарихы жиырма жылға жуық уақытқа созылды. Ұзаққа созылған құрылыс пен жемқорлық жанжалдары бұл жобаны елдегі ең даулы бастамалардың біріне айналдырды. Президенттің өзі бірнеше рет LRT-ны «мәселелі жоба» деп атаған.
Соған қарамастан, қала билігі оптимизмін жоғалтпай отыр. Әкімдік уәде еткеніндей, әуежай мен вокзал арасындағы желі 2026 жылы іске қосылмақ.