RUS
SMARTNEWS.KZ басылымының хабарлауынша, Алматыда жаяу жүргіншілер өткелінде жеті жастағы қыздың өмірін қиған жол апатына нүкте қойылды. Қайғылы оқиға биыл сәуірде Алатау ауданында болған. Баланың қасында анасы тұрған. Көлік жүргізушісі уақытында тоқтай алмай, қызды басып өткен.
Сот дерегінше, «Ситрак» маркалы жүк көлігін тізгіндеген азаматқа Қылмыстық кодекстің жол қозғалысы ережесін өрескел бұзып, адам өліміне әкелу бабымен айып тағылды. Ол екі жыл алты айға бас бостандығынан айырылды. Бұған қоса бес жыл бойы көлік жүргізу құқығынан шеттетілді.
Апелляциялық алқа үкімді өзгеріссіз қалдырды, тек материалдық шығынды өтеу бөлігінде түзету енгізді.
Полиция мәліметіне сүйенсек, бүлдіршін жолды белгіленген жерде өткен. Қауіпсіз деп саналатын өткелде баланың қаза табуы қоғамда жолдағы жауапкершілікке қатысты сұрақтарды қайта көтерді.