RUS
SMARTNEWS.KZ басылымының хабарлауынша, Шымкентте полицейлер жүргізген жедел шаралар барысында блогер-журналист бопсалау күдігімен ұсталды. Бұл туралы Ішкі істер министрлігі хабарлады.
Алдын ала мәлімет бойынша, ол әкімдік қызметкерінен әлеуметтік желілерде мемлекеттік органдардың беделіне нұқсан келтіретін материалдарды жарияламау үшін 10 миллион теңге сұраған.
Аталған дерек бойынша қылмыстық іс қозғалды. Тергеу барысында күдіктінің тұрғылықты жері мен кеңсесінде тінту жүргізіліп, электрондық тасымалдағыштар және өзге де айғақтар тәркіленді.
Қазіргі уақытта күдікті уақытша ұстау изоляторына қамалды. Барлық мән-жайды анықтауға бағытталған тергеу амалдары жалғасып жатыр.
Құзырлы орган бопсалау заң бойынша қылмыс саналатынын және қатаң жауапкершілікке әкелетінін ескертті.