RUS
SMARTNEWS.KZ басылымының хабарлауынша, Ыстамбұл прокуратурасы қаланың бұрынғы мэрі Экрем Имамоғлына қатысты 142 жемқорлық фактісі бойынша айып тағу туралы мәлімдеді. Прокурорлардың есебінше, оған 828 жылдан 2352 жылға дейін бас бостандығынан айыру жазасы кесілуі мүмкін.
BBC таратқан ақпаратқа сай, Имамоғлы Түркия президенті Режеп Тайып Ердоғанның басты саяси қарсыласы саналады. Ол биыл наурыз айынан бері қамауда отыр. Тергеу мәліметінше, экс-мэр мемлекеттік қаражатты жымқыру және заңсыз табысты заңдастыруға бағытталған ірі жемқорлық желісін басқарған.
Прокурор Ағын Гюрлектің айтуынша, 8 айға созылған тергеу барысында 105 адам қамауға алынып, барлығы 3,8 млрд доллар көлемінде мемлекетке залал келтірілгені анықталған.
Имамоғлуға пара алу, қаржыны заңсыз айналымға жіберу және мемлекеттік мекемелерді алдау баптары бойынша айып тағылған.
Айта кетейік, ол бұған дейін прокурорды қорлағаны үшін 20 айға бас бостандығынан айырылған еді. Имамоғлы мен оның баспасөз хатшысы Мұрат Оңғұн биыл көктемде өткен антикоррупциялық операция кезінде ұсталған болатын.
Қазіргі уақытта экс-мэрге қарсы жаңа іс қозғалып, Түркия прокуратурасы оны және бірқатар бұрынғы шенеуніктерді 2019 жылғы сайлауға қатысты тыңшылық жасады деп тергеуде.