RUS
SMARTNEWS.KZ басылымының хабарлауынша, бүгін Мәжіліс кулуарында Мәдениет және ақпарат вице-министрі Евгений Кочетов балаларға арналған фильмдердің жас шектеу белгілеріне қатысты жаңа ережелерді түсіндірді.
Вице-министрдің айтуынша, жаңа норма әкімшілік құқықбұзушылықтар кодексіне жеке бап енгізуді көздемейді. Түзету «заңсыз контентті» таратқандарға қатысты қолданылады. Бірінші рет бұзған жағдайда айыппұл – 20 АЕК, қайталанған жағдайда – 40 АЕК немесе 10 тәулікке бас бостандығын шектеу қарастырылған.
Журналистер балалардың 18+ фильмдерге баруы жағдайында ата-аналар жауапқа тартыла ма деп сұрады. Вице-министр соңғы шешімнің норманың қалай енгізілетініне байланысты болатынын айтты. Қазіргі талап негізінен контент таратушыларға бағытталған.
Кинотеатрлардағы 18+ сеанстарға балалардың қатысуы қатаң бақылауда.
«Бұл мәселені уәкілетті органдар мен жергілікті әкімдік қадағалайды. Егер балаларды кинотеатр өткізсе, жауапкершілікке тартылады», – деді Кочетов.
Онлайн платформалардағы контентке қатысты сұраққа ол фильмдер мен сериалдарда ЛГБТ қауымдастығын жағымды көрсетуге шақыратын элементтер болса, сараптама жүргізілетінін, құқық иелерімен жұмыс істелетінін, қажет жағдайда материалдар интернетте бұғатталатынын атап өтті.