RUS
SMARTNEWS.KZ басылымының хабарлауынша, 2025 жылғы қаңтар–қыркүйек аралығында ел бойынша 249,3 мың бала дүниеге келіп, 97,7 мың адам өмірден өткен. Осылайша, халықтың табиғи өсімі 151,6 мың адамды құраған. Бұл туралы Ұлттық статистика бюросы мәлімдеді.
Есептік кезеңде республика бойынша 87,6 мың неке тіркеліп, 33,1 мың отбасы ажырасқан.
Туудың ең жоғары көрсеткіші Түркістан облысында байқалды — әр мың тұрғынға шаққанда 22,26 жаңа туған бала. Одан кейін Шымкент қаласы (21,46) мен Маңғыстау облысы (21,26) тұр.
Ал өлім-жітімнің ең жоғары деңгейі Солтүстік Қазақстан облысында тіркелді — әр мың тұрғынға 11,43 адам. Сондай-ақ Шығыс Қазақстан (11,12) және Қостанай облыстарында (9,67) өлім көрсеткіші жоғары.
Сарапшылар бұл жағдайды аталған өңірлердегі халықтың қартаюымен байланыстырады.