RUS
SMARTNEWS.KZ басылымының хабарлауынша, Тайынша қаласында жылдамдықты асырып келе жатқан Volkswagen маркалы автокөлік жеке үйдің сарайына және тұрақтағы ВАЗ-21014 көлігінен кеп соғылды.
Әлеуметтік желіде жарияланған видеодан көліктің жоғары жылдамдықпен келе жатып, сарайды соғып, кейін автокөліктің үстіне шығып кеткен сәті көрінеді.
Солтүстік Қазақстан облысы полиция департаментінің баспасөз қызметі хабарлағандай, жол апаты 12 қараша күні Желтоқсан көшесінде орын алған:
«34 жастағы жүргізуші шаруашылық құрылысына соғып, содан кейін тұрақта тұрған ВАЗ-21014 автокөлігін соққан. Жүргізуші ауруханаға жеткізілді», – делінген хабарламада.
Оқиға бойынша Қазақстан Республикасының Әкімшілік құқық бұзушылық кодексінің 610-бабы («Көлік жүргізушілерінің жол жүру ережелерін бұзуы, нәтижесінде адамдардың денсаулығына зиян келтіруі, көлік құралдарына немесе басқа да мүлікке зақым келтіруі») бойынша материалдар жинақталды.