Бүгін еліміздің жартысын тұман басып көктайғақ болады

SMARTNEWS.KZ басылымының хабарлауынша, Қазақстанның бірқатар өңіріне алдағы тәуліктерге арналған дауылды ескертулер жарияланды. «Қазгидромет» дерегінше, 14-15 қарашада бірнеше облыста тұман, көктайғақ, жаяу бұрқасын және қатты жел байқалуы мүмкін.

Маңғыстау облысында 14 қараша түнде және таңертең өңірдің батысы мен оңтүстігінде тұман күтіледі. Ақтауды да тұман басады.

Жетісу облысында 14 қараша түнде таулы аумақта тұман түседі. 14-15 қарашада Алакөл маңында желдің екпіні 23-28 м/с-қа дейін жетуі ықтимал.

Атырау облысында 14 қараша түнде және таңертең облыстың батысы, солтүстігі мен оңтүстігін тұман басады. Атырау қаласында да жағдай сондай.

Қостанай облысының батысы, солтүстігі және шығысында 14 қарашада тұман түседі.

Ақтөбе облысында 14 қараша түнде солтүстік-шығыста көктайғақ байқалады.

Батыс Қазақстан облысында 14 қараша түнде және таңертең облыстың батысы, солтүстігі мен оңтүстігінде тұман күтіледі. Орал қаласында да жағдай дәл сондай болмақ.

Ақмола облысында 14 қарашада өңірдің батысы, солтүстігі және шығысында тұман, жолдарда көктайғақ болады. Астанада да көктайғақ тіркелуі мүмкін.

Шығыс Қазақстан облысында 14 қарашада солтүстік пен шығыста қар, жаяу бұрқасын, тұман және көктайғақ күтіледі. Желдің екпіні кей аудандарда 20 м/с-қа дейін жетеді. Өскеменде көктайғақ болады.

Абай облысында 14 қараша түнде солтүстік пен орталықта қар мен бұрқасын құбылыстары байқалады. Оңтүстік пен орталықта тұман түседі. Желдің екпіні 15-20 м/с. Семейде түнде көктайғақ күтіледі.

Алматы облысында 14 қараша түнде және таңертең өңірдің оңтүстігін тұман басады.

Павлодар облысында 14 қараша түнде және таңертең батыс, солтүстік және оңтүстік өңірлерде тұман күтіледі.

Жамбыл облысында 14-15 қараша күндері түнде және таңертең оңтүстік пен таулы аудандарда тұман болады. Желдің екпіні кей учаскелерде 23 м/с-қа дейін жетуі мүмкін. Таразда да тұман болады.

Қызылорда облысында 14 қараша түнде және таңертең өңірдің солтүстігінде тұман күтіледі.

Солтүстік Қазақстан облысында 14 қараша түнде солтүстік пен шығыста жаяу бұрқасын, батыста тұман болады. Желдің екпіні күндіз 20 м/с-қа дейін күшейеді.

Түркістан облысында 13-15 қараша аралығында түнде және таңертең таулы аудандарда тұман түседі.