Ақмола облысындағы апаттан кісі мерт болғанына қарамастан, 80 жастағы жүргізуші түрмеден босатылды

SMARTNEWS.KZ басылымының хабарлауынша, Ақмола облысында 80 жастағы тұрғын адам өлімімен аяқталған жол-көлік оқиғасын жасап, оқиға орнынан қашып кеткен. Алайда ол шартты жазаға кесіліп, бас бостандығынан айырылмады.

Оқиға 2025 жылдың жазында Астрахан ауданы аумағында болған. Жүргізуші жолдың шетімен келе жатқан жаяу жүргіншіні қағып кеткен. Алған жарақатынан жәбірленуші сол жерде көз жұмды. Қарт жүргізуші бірден тоқтамай, оқиға туралы тиісті органдарға хабар бермей, оқиға орнынан кетіп қалған.

Астрахан аудандық соты істі қарау барысында айыпталушының кінәсін мойындағанын, жасаған әрекетіне өкініш білдіргенін және марқұмның жақындарынан кешірім сұрағанын атап өтті.

Қаза болған тарап айыпталушымен медиативтік келісімге келіп, материалдық және моральдық шағымдарының жоқ екенін білдірген. Бұл келісімді прокурор да, қорғаушы да қолдады.

Сот айыпталушының жасын, шынайы өкінуін және кінәні толық мойындауын ескере отырып, оған 2 жыл 6 ай шартты жаза тағайындады. Сонымен қатар жүргізуші көлік басқару құқығынан айырылды.