RUS
SMARTNEWS.KZ басылымының хабарлауынша, АҚШ визасын қарау тәртібі қатаңдай түсті. Енді денсаулығында елеулі мәселелері бар адамдарға виза берілмеуі мүмкін. Бұл туралы The Washington Post жазды. Басылымның мәліметінше, Трамп әкімшілігі шетелдегі дипломатиялық өкілдіктерге жаңа нұсқаулық жіберген.
Жаңа талаптар бойынша, өтініш берушінің денсаулық жағдайы виза шешіміне тікелей әсер етуі ықтимал. Әсіресе келесі диагноздары бар азаматтарға теріс жауап берілу қаупі жоғары:
семіздік;
диабет;
қатерлі ісік;
жүрек немесе өкпе аурулары;
психикалық немесе созылмалы дерттер.
Сонымен бірге визалық офицерлер өтініш иесінің жасын, асырауындағы бала саны мен қарт туыстарын, отбасы мүшелерінің мүмкіндігі шектеулі болуын да назарға ала алады.
АҚШ Мемлекеттік департаментіндегі дереккөздің айтуынша, жаңа ереже көші-қон саясатын күшейтуге бағытталған және визалық инспекторларға бас тарту туралы шешім қабылдауда кең өкілеттік береді.