RUS
SMARTNEWS.KZ басылымының хабарлауынша, Қырғызстанның Манас қаласында өткен ерекше оқиға әлі де қаралып жатыр. Жас қыз өзін қорғау барысында танысы жігіттің тілін тістеп алған. Бұл туралы MediaHub журналисті Эльвира Сұлтанмұрат мәлімдеді.
Қыздың айтуынша, оқиға күні ол, досы және танысы бір жігіт тойдан қайтып келе жатқан. Көліктен шығуға тырысқан қызды жігіт жібермей қойған. Содан кейін жігіт әрекет жасап, тіпті зорлаймын деп қорқытып, күштеген.
«Ол мені зорлаймын деп қорқытып еді. Мен айқайлап, итеріп, жіберуін сұрадым, бірақ ол тоқтамады», — дейді қыз. Сол сәтте ол инстинктивті түрде әрекет етіп, жігіттің тілін тістеп алғанын айтты: «Мен тістегенде тілдің осылай оңай жұлынып кететініне тіпті сенбедім».
Қыздың сөзінше, олар ешқашан жұп болмаған:
«Біз тек таныс едік», - дейді қыз.
Оқиғанан кейін ол қоғамның қысымы мен сөгісінен қорқатынын жеткізді:
«Адамдар мен туралы түрлі әңгімелер айтып жүр. Қаладан еркін жүру қиын. Мен өзімді ақтап шығуым керек. Мен кінәлі емеспін», - дейді ол.
Еске салсақ, 8 қарашада 26 жастағы жігіт Манас ауруханасына тіл мен астыңғы ерін жарақатымен жеткізілген. Ол дәрігерлерге бұл жарақат «сүйісу кезінде» алынғанын айтқан. Кейін жігіт полицияға шағым беруден бас тартқан. Полиция тараптар «бір-біріне шағымы жоқ» деп хабарлағанымен, оқиға бойынша тексеру жалғасып жатыр.