RUS
SMARTNEWS.KZ басылымының хабарлауынша, Түркістан облысының Алғабас ауылында болған қырғын өрт тоғыз баланың өмірін қиып, барлығы 12 адам көз жұмды. Қаза тапқандардың ең кішісі — 2024 жылы туған сәбиді. Оқиға орнында екі отбасының мүшелері бірдей қайтыс болды.
Әкімдіктің дерегіне қарағанда, мерт болған балалар 2009, 2010, 2012, 2015, 2017, 2019, 2021 және 2024 жылдары дүниеге келген. Оның бесеуі — бір отбасының балалары. Екінші отбасыдан бір қыз құтқарылды: 2018 жылы туған бүлдіршін ауыр халде реанимацияда жатыр. Сондай-ақ жансақтау бөлімінде екі ересек ем қабылдап жатыр.
• Шойбеков Дәуренбек Талғатбекұлы (үй иесі), 15.10.1991
• Амантұрдиева Динара Қадырбекқызы (жұбайы), 10.01.1994
• Талғатбек Асия Дәуренбекқызы, 17.12.2015
• Талғатбек Дана Дәуренбекқызы, 22.07.2017
• Талғатбек Әлихан Дәуренбекұлы, 19.02.2021
• Талғатбек Әмірхан Дәуренбекұлы, 19.02.2021
• Талғатбек Алуа Дәуренбекқызы, 18.03.2019
• Өмірзақова Маржан Алдиярқызы, 08.01.1990
• Талғатбек Жансая Олжасұлы, 16.01.2009
• Талғатбек Ассабур Олжасбекұлы, 06.12.2010
• Талғатбек Мұхит Олжасбекұлы, 05.09.2012
• Талғатбек Райана Олжасбекқызы, 20.03.2024
Еске салайық, өрт бүгін таңертең екі қабатты жеке үйден шыққан. Үй толықтай отқа оранып, үш адам ес-түссіз күйде сыртқа шығарылып, ауруханаға жеткізілді. Қайғылы оқиғаға Президент Қасым-Жомарт Тоқаев жедел үн қатып, Үкімет пен өңір басшылығына барлық қажетті көмекті дереу көрсету жөнінде тапсырма берді.
Балалар омбудсмені оқиғаның кейбір жайттарын анықтағанын мәлімдеді. Полиция өрт дерегі бойынша қылмыстық іс қозғады. Мемлекет басшысының тапсырмасымен арнайы үкіметтік комиссия құрылып, оның жұмысын вице-премьер Қанат Бозымбаев басқарады.