RUS
SMARTNEWS.KZ басылымының хабарлауынша, «Қазгидромет» 19 қараша күні түнде және таңертең Қазақстанның басым бөлігінде тұман, көктайғақ және екпінді жел күтілетінін хабарлады. Ескертулер аймақтық деңгейде күшінде.
Атырау облысы. Түнде және таңертең өңірдің батысы мен оңтүстігінде, сондай-ақ Атырау қаласында тұман болады.
Ақмола облысы. Облыстың батысында, солтүстігінде және шығысында тұман түседі. Көкшетауда да түнгі және таңертеңгі уақыт тұманды.
Қарағанды облысы. Солтүстік пен шығыста түнде және таңертең тұман күтіледі.
Ақтөбе облысы. Солтүстік, шығыс және орталық бөліктерде, сондай-ақ Ақтөбе қаласында тұман болады.
Павлодар облысы. Аймақтың батысы, солтүстігі және орталығы тұманды. Павлодар қаласына да осындай болжам берілген.
Қостанай облысы. Батыс, солтүстік және шығыс өңірлерде түнгі және таңертеңгі тұман сақталады.
Қызылорда облысы. Солтүстік пен орталықта, Қызылорда қаласында кей уақытта тұман болады.
Солтүстік Қазақстан облысы. Батыста көктайғақ, күндіз жаяу бұрқасын. Облыстың басым бөлігінде тұман. Желдің екпіні 15–20 м/с. Петропавлда — тұман және екпінді жел.
Түркістан облысы. Солтүстік және таулы аудандарда тұман күтіледі.
Абай облысы. Оңтүстік және орталық бөліктерде шығыс, оңтүстік-шығыс бағыттағы жел 15–20 м/с.
Шығыс Қазақстан облысы. Солтүстік бөлікте тұман. Кей өңірлерде жел 15–18 м/с. Өскемен мен Риддер қалаларында екінші дәрежелі қолайсыз метеожағдай сақталады.
Маңғыстау облысы. Батыс және солтүстік-шығыста түнде және таңертең тұман.
Батыс Қазақстан облысы. Батыс, солтүстік және шығыс бөліктерінде тұман. Желдің екпіні 15–20 м/с. Орал қаласына да осындай болжам берілді.
Астана. Түнде және таңертең тұман.
Алматы облысы. 19 қарашада жел оңтүстік-батыстан солтүстік-шығысқа ауысып, таулы аудандарда 18 м/с дейін күшейеді.
Жетісу облысы. 18–19 қарашада Алакөл маңында жел 23–28 м/с.
Жамбыл облысы. Таулы аудандарда тұман күтіледі. 15–20 м/с жел соғады. Таразда да кей уақытта тұман болады.