RUS
SMARTNEWS.KZ басылымының хабарлауынша, Қазақстан ұлттық құрамасы 2025 жылғы соңғы матчын өткізді.
Достық кездесуде Талғат Байсуфинов баптайтын команда Фарер аралдарының құрамасымен Пула қаласындағы «Альдо Дросина» стадионында кездесті. Матч жергілікті төреші Дуйе Струканның қадағалауымен өтті. Қазақстан командасы эксперименталды құрамда ойнап, 0:1 есебімен жеңіліске ұшырады.
Белгілі футбол сарапшысы және жаттықтырушы Павел Черепанов өз талдауында Sports.kz порталына берген сұхбатында бірнеше өткір мәселені атап өтті:
— Ең бірінші көзге түскені — ұлттық құраманың формасы. «Қайрат» клубы ойнаса, клуб эмблемасында қара түс барын түсінемін. Бірақ біздің туымызда қара түс бар ма? Мұндай түс жоқ... Бұл форманы шетелден, әлде, Қытай базарынан алған ба? — деді Черепанов.
Оның сөзінше, матч өткізу идеясы жақсы болғанымен, логистика қиындық тудырған. Алдымен команда Түркияға ұшып, кейін Хорватияға барған, ал соңғы қашықтықты автобуспен жүріп өткен.
— Егер құраманы бұрынғы бапкер Станислав Черчесов баптайтын болса, Федерацияға талап қоюы мүмкін еді. Өйткені ойыншыларға қалыпты жағдай жасалмаған, — деді Черепанов.
Сарапшы трибунада көрерменнің болмағанын атап өтті. Ойыншылар ұзақ жолдан соң, сапасы төмен алаңда ойнаған. Сондықтан матч сапасын сынға алу орынсыз, бірақ Фарер аралдарының жеңісі заңды деп бағаланды. Қарсыластың командасы құраманы басып озбағанымен, ойынға деген психологиялық дайындықтары күшті болған.
— Мақсат жақсы болғанымен, нәтиже бұрынғыдан өзгеше болмады, — деп түйіндеді Павел Черепанов.