RUS
SMARTNEWS.KZ басылымының хабарлауынша, Түркістан облысында 12 адамның, оның ішінде небәрі 9 баланың өмірін қиған өртке қатысты тергеу жалғасып жатыр. Құтқару қызметі өрттің нақты неден тұтанғанын әлі анықтап жатқанымен, алдын ала болжам бойынша, қайғылы оқиғаға ақауы бар электрлік удлинитель себеп болуы мүмкін.
ТЖМ өкілдері барлық сала мамандары оқиға орнында жұмыс істеп жатқанын хабарлады.
Бұған дейін Алғабас ауылындағы жеке үйден шыққан өрттен 12 адамның көз жұмғаны белгілі болды. Президент Қасым-Жомарт Тоқаев қаза тапқандардың отбасыларына көңіл айтып, үкімет пен облыс басшылығына қажетті барлық көмекті көрсетуді тапсырды.
Мемлекет басшысының нұсқауымен Алғабас ауылындағы қайғылы оқиғаның себептерін тексеру үшін үкіметтік комиссия құрылды.
Алдын ала мәлімет бойынша, қасақана өртеу белгілері жоқ. Бұл туралы кеше вице-премьер Қанат Бозымбаев мәлімдеді. Қаза тапқандардың туыстарына тиісті әлеуметтік көмек көрсетіледі.
Аталған факті бойынша «Өрт қауіпсіздігі талаптарын бұзу» бабы бойынша қылмыстық іс қозғалды (ҚК 292-бабы, 3-бөлігі).