RUS
SMARTNEWS.KZ басылымының хабарлауынша, Талдықорғандағы барлардың бірінде түсірілген жартылай жалаңаш стриптиз биі әлеуметтік желіге тарап, соңы әкімшілік жазаға ұласты.
Оқиға келушінің ұялы телефонына жазылған видеодан кейін белгілі болды. Кадрларда екі стриптизердің жартылай жалаңаш келушілермен бірге би билеп тұрғаны анық көрінеді. Видео көпшіліктің наразылығын туғызып, Жетісу облысының полициясы тексеріс бастады.
Ведомство мәліметінше, видеожазба тарағаннан кейін тәртіп сақшылары оқиға өткен орынды және барлық қатысушыларды дереу анықтаған.
«Қоғамдық орынға құрметсіздік танытып, тәртіпті бұзған әрекеттер бойынша бар иесі мен бірнеше азаматқа қатысты әкімшілік материалдар жиналды. Арнайы сот шешімімен мекеме иесі мен қатысушылардың бірі 7 тәулікке әкімшілік қамауға алынды. Тағы бір әйелге қатысты іс оның тұрғылықты жері бойынша қарауға жіберілді», — деп хабарлады полиция.
Сауық орнының болашақта мұндай құқықбұзушылыққа жол бермеу туралы ресми түрде ескерткен. Басшылыққа профилактикалық шараларды күшейту міндеттелді.
Полиция қоғамдық тәртіпті бұзатын, азаматтардың қауіпсіздігіне қатер төндіретін әдепсіз әрекеттердің жолы қатаң кесілетінін атап өтті.