RUS
SMARTNEWS.KZ басылымының хабарлауынша, Қазақстанның бірнеше өңіріне бір мезетте ауа райының тосын мінезіне байланысты бірқатар дауылды ескертулер жарияланды. Қазгидромет дерегінше, 23-26 қараша аралығында ел аймақтарында тұман, көктайғақ, жаяу бұрқасын мен күшті жел күшеюі мүмкін.
Маңғыстау облысында 24 қараша күні түнде және таңертең қалың тұман түседі. Сол жағдай Ақтауда да қайталанбақ.
Атырау облысында дәл осы мерзімде аймақтың батысы, солтүстігі және оңтүстігі тұманға оранады.
Ақмола облысында 24 қарашада ауа райы күрт бұзылмақ. Жаңбыр аралас қар жауады, өңірдің солтүстігі, орталығы мен шығысында көктайғақ пен жаяу бұрқасын күтіледі. Тұман да төбе көрсетпек. Жел бағытын өзгертіп, түнде 15–20 м/с-қа дейін, кей аумақтарда 23 м/с-қа жетеді. Көкшетауда таңертең көктайғақ болжанады.
Түркістан облысының оңтүстігі мен таулы аудандарында 24–26 қараша аралығында таң алдында және түнде тұрақты тұман күтіледі.
Солтүстік Қазақстан облысында 24 қарашада түнгі уақытта жаңбыр аралас қар жауып, тұман түседі. Кей жерлерде көктайғақ пен жаяу бұрқасын байқалады. Солтүстік-батыстан соққан жел 20 м/с-қа дейін күшейеді. Петропавлда да сол көрініс қайталанады.
Алматы облысының орталығы мен оңтүстігінде 24 қараша түнде тұман сақталады.
Шығыс Қазақстан облысында түнде қар жауып, күндіз жаңбыр мен қар аралас жалғасады. Солтүстік пен шығыста қатты қар күтіледі. Бұрқасын мен көктайғақтан бөлек, 25 м/с-қа жететін жел тұрады. Өскеменде де жағдай осындай.
Абай облысында 24 қарашада жауын-шашынның түр-түрі байқалып, орталық пен шығыста қар қалың түсуі мүмкін. Көктайғақ пен жаяу бұрқасын күтіледі. Жел екпіні кей жерде 28 м/с-қа дейін жетеді. Семейде де дәл осындай ауа райы болжанған.
Павлодар облысында жауын-шашын мен жаяу бұрқасын, тұман және көктайғақ байқалады. Жел солтүстік-батысқа ауысып, 20-23 м/с жылдамдықпен соғады.