RUS
SMARTNEWS.KZ басылымының хабарлауынша, Шығыс Қазақстан облысының тұрғыны бұрынғы әйелі үшін алимент төлеуге келісімге келді. Алғашқы кезеңде ол айына 50 мың теңге төлейді, ал 2026 жылдан бастап сома 70 мың теңгеге жетеді.
Мәліметке қарағанда, Шемонаиха аудандық соты азаматтық істі медиативтік келісімді растау арқылы қарап, тараптардың қатысуынсыз шешім шығарған. Сот келісімнің ерікті түрде жасалғанын, заңға сәйкес екенін және барлық мүдделі тараптардың құқықтарын қорғайтынын анықтады.
Келісімге сәйкес, азамат алиментті олардың 2024 жылы туған балалары үш жасқа толғанша төлейтін болады. 2025 жылдың соңына дейін төлем ай сайын 50 мың теңге мөлшерінде, ал 2026 жылдан бастап 70 мың теңге болады.
Сот медиативтік келісімді бекітіп, істі тоқтатты. Құқықтық күшіне әлі енбеген шешім жарияланды.