RUS
SMARTNEWS.KZ басылымының хабарлауынша, Ақтөбе облысындағы «Жайсаң» автомобиль бекетінде шекарашылар заңсыз көші-қон фактісін тоқтатты.
23 қарашада жүргізілген тексеріс кезінде жүк көлігінің құрылыс материалдарының арасынан 10 шетелдік жасырынған күйі табылды. Бұл ақпаратты ҚР ҰҚК Шекара қызметі хабарлады.
Ведомство мәліметінше, оқиға бойынша Қылмыстық кодекстің 24 және 394-баптары шеңберінде сотқа дейінгі тергеу басталған. ҚПК-нің 201-бабы талаптарына сай, іс материалдарының өзге бөлігі жарияланбайды.
ҰҚК Шекара қызметі мұндай әрекеттердің қылмыстық жауапкершілікке әкелетінін еске салып, азаматтарды шекарадан заңсыз өткізу схемаларына араласпауға үндеді.