RUS
SMARTNEWS.KZ басылымының хабарлауынша, атышулы Хасан Қасымбаевтың қорғаушылары 12 жылға бас бостандығынан айыру туралы сот үкімін апелляцияға берді.
Адвокат Нариман Керуеновтің айтуынша, апелляцияны дайындауға 15 күндік мерзім бар. Қорғау жақ бірінші өтінішті кеше ғана тапсырған және арызды толықтыруды жоспарлап отыр. Үкім көлемі 56 беттен тұрады, сондықтан оны мұқият зерделеу қажет.
11 қарашада Талғар аудандық соты Қасымбаевты адам ұрлау, ауыр дене жарақатын келтіру және бопсалау ісі бойынша кінәлі деп танып, 12 жылға бас бостандығынан айырды. Сол іс бойынша тағы бес тұлға да сотталды.
Хасан Қасымбаев өткен жылы қарашада 2021 жылғы маусымда жасалған қылмыстар бойынша – ауыр дене жарақатын келтіру және адам ұрлау күдігімен ұсталған. Кейін оған бопсалау айыбы да қосылды.
Қасымбаевтың есімі елге 16 жастағы Шерзат Болаттың Талғардағы өліміне байланысты кеңінен танымал болды. Жергілікті тұрғындар оны «Хуторские» қылмыстық топқа қатыстырады деп әлеуметтік желілерде талқылағанымен, ІІМ мұндай қылмыстық топ жоқ деп мәлімдеді және Қасымбаев баланың өліміне қатысы жоқ екенін айтты.