Шымкенттегі той сыйлықтарына қатысты дау сотқа дейін жетті
Апелляция тойда берілген сыйлықтар ісіне нүкте қойды.
SMARTNEWS.KZ басылымының хабарлауынша, Шымкенттің азаматтық істер жөніндегі апелляциялық сот алқасы тойда берілген сыйлықтардың құнын өндіру жөніндегі дауды қарап, бастапқы талаптың басым бөлігін қанағаттандырмады.
Талапкер бұрынғы күйеуінің отбасынан өзіне сыйланған заттарды қайтаруды талап еткен. Айтуынша, сыйлықтардың жалпы құны 2 435 000 теңге болған. Сот материалдарында киім-кешек, тұрмыстық техника және өзге де мүліктің тізімі көрсетілген.
Бірінші сатыдағы сот талапты толық қанағаттандырмаған. Апелляциялық инстанция бұл шешімді қайта қарап, іс бойынша тараптардың уәждерін тыңдады. Нәтижесінде сыйлықтардың басым бөлігі «отбасылық ортақ өмір барысында берілген, қайтарылуға жатпайтын мүлік» деп танылды.
Сот тек даулы заттардың бір бөлігіне қатысты талапкердің пайдасына шешім шығарды. Тараптарға 200 000 теңге мөлшерінде өтемақы төлеу туралы ұйғарым жасалды.
Даудың бірнеше айға созылған талқысына осылайша нүкте қойылды.
Материал авторы
