Қыстың алғашқы күнінде бірнеше облыста тұман қоюланып, көктайғақ болады
Еліміздің бірқатар өңіріне дауылды ескерту жарияланды.
SMARTNEWS.KZ басылымының хабарлауынша, Қазақстанның бірнеше өңірінде 1 желтоқсанда ауа райы күрт нашарлауы мүмкін. «Қазгидромет» бірқатар облыста тұман, бұрқасын және көктайғақ қаупі барын ескертті.
Ақтөбе облысы: түнде және таңертең облыстың солтүстігі мен шығысында қою тұман күтіледі.
Маңғыстау облысы: солтүстік пен орталықта 1 желтоқсанда тұман түседі.
Жетісу облысы: түнгі және таңертеңгі уақыттарда орталық аумақ тұманға оранып, Талдықорған қаласында да көріну төмендейді.
Абай облысы: солтүстікте қар жауып, жаяу бұрқасын жүреді. Оңтүстік пен шығыс өңірлерін тұман басады.
Шығыс Қазақстан облысы: облыстың солтүстігі, оңтүстігі және шығысы түгелдей дерлік тұманды болады.
Қостанай облысы: солтүстік, батыс және оңтүстік бағыттарда көріну шектеледі. Қостанай қаласында да тұман күтіледі.
Атырау облысы: түн мен таң арасында солтүстік пен батыс өңірінде тұман түседі.
Алматы облысы: батыс пен оңтүстікке қарай түнде және таңертең тұман сақталады.
Түркістан облысы: батыс, оңтүстік және таулы аудандарда тұман түседі. Түркістан қаласында да түнгі және таңғы уақытта көріну нашарлайды.
Жамбыл облысы: 1-2 желтоқсан күндері кей уақыттарда тұман күтіледі. Солтүстік-шығыстан соққан жел 15-20 м/с жылдамдыққа дейін күшейеді. Таразда да осы аралықта тұман болады.
Ақмола облысы: солтүстік пен шығыста көктайғақ қаупі бар, тұман түседі.
Павлодар облысы: күндіз солтүстік пен шығыста көктайғақ байқалады.
Материал авторы
