RUS
SMARTNEWS.KZ басылымының хабарлауынша, Ақтөбе облысы Мұғалжар ауданы Қандыағаш қаласының әкімі Қазбек Аққайырға қатысты апелляциялық сот шешімі шыққаннан кейін, аудан басшылығы оны қызметінен босату туралы шешім қабылдады. Бұл туралы Мұғалжар ауданының әкімі Дархан Ермағамбетов мәлімдеді.
Қазбек Аққайыр биыл күзде «Ұрып-соғу» бабы бойынша кінәлі деп танылып, 80 АЕК (314 560 теңге) көлемінде айыппұл салынған еді. Әкім үкіммен келіспей, апелляцияға жүгінді. Облыстық сот жаза мөлшерін 295 360 теңгеге дейін азайтты, бірақ жәбірленушінің өкіл шығындарын 300 000 теңгеге дейін өсірді.
Апелляциялық қаулыдан кейін аудандық әкімдік оны қызметтен босату процесін бастады.
Қазбек Аққайыр 2024 жылдың жазында Қандыағаш қаласының әкімі болып сайланған. Бұған дейін Талдысай ауылдық округін басқарған, ауданның сәулет және қала құрылысы бөлімін басқарған, сондай-ақ облыс әкімі аппаратында бас инспектор қызметін атқарған.