RUS
SMARTNEWS.KZ басылымының хабарлауынша, Жетісу облысындағы Дос — Сарыөзек учаскесінде 30 қараша күні ауыр теміржол оқиғасы тіркелді. Грузовой пойыз жолда тұрған ер адамды қағып өтті. Оқиға 14:56-да болған.
«Қазақстан темір жолы» ұлттық компаниясының мәліметінше, пойыз небәрі 43 км/сағ жылдамдықпен келе жатқан. Машинист дабыл беріп, бірден жедел тежегішті іске қосқанымен, соқтығысудың алдын алу мүмкін болмаған.
Алдын ала дерек бойынша, ер адам рельстің дәл үстінде тоқтап, дабылдарға жауап бермеген.
Салдарынан ол ауыр жарақат алып, Сарыөзек стансасындағы ауруханаға жеткізілді. 1989 жылғы тұрғынның денесінде көпжақты жарақат бар. Облыстық травматолог шұғыл тартылып, науқас сол күні операция жасатқан. Дәрігерлер оның жағдайын ауыр, бірақ тұрақты деп бағалап отыр. 3 желтоқсанда талдықорғандық облыстық ауруханаға ауыстыру жоспарланған.
Пойыз қозғалысы 39 минутқа тоқтады және 15:35-те қайта іске қосылды.
Транспорттық полиция Қылмыстық кодекстің 344-бабының 1-бөлігі («Теміржол көлігіндегі қозғалыс қауіпсіздігі талаптарын бұзу») бойынша сотқа дейінгі тергеу бастады. Тергеу мүддесіне байланысты қосымша мәлімет жарияланбайды.