Елдос Сметов келіншегіне құны 12 млн теңгеден асатын көлік сыйға тартты

SMARTNEWS.KZ басылымының хабарлауынша, Олимпиада чемпионы, дзюдошы Елдос Сметов жұбайының туған күнінде оған жаңа көлік тарту етті.

Спортшы Instagram парақшасында бірнеше сторис жариялап, онда жұбайына автокөлік кілтін табыстаған сәт көрсетілген. Кадрларда отшашулар да көрінеді. Спортшының сыйлығы — Hyundai Mufasa маркалы автокөлік.

Айта кетейік, Сметовтің соңғы ірі жарысы — 2024 жылғы Париж Олимпиадасы. Ол онда 60 келіге дейінгі салмақта алтын медаль жеңіп алған еді.