RUS
SMARTNEWS.KZ басылымының хабарлауынша, «Ертіс» футбол клубы әлеуметтік желілерде тараған жалақы дауына қатысты ресми мәлімдеме жасап, футболшылар мен клуб қызметкерлеріне қарыз жоқ екенін кесіп айтты.
Бұған дейін желіде клубтың жалақыны кешіктіргені, тіпті ойыншылардың FIFA-ға шағымдануға дайындалып жатқаны туралы ақпарат тараған еді. Клуб бұл деректерді түгел жоққа шығарды.
Ресми хабарламада «Ертіс» футбол клубының алдындағы барлық қаржылық міндеттемелер толық әрі уақытылы орындалғаны атап өтілген. Футболшыларға да, жаттықтырушылар құрамына да, әкімшілік қызметкерлерге де бір теңге қарыз жоқ.
Клуб ойыншылардың халықаралық ұйымдарға шағымданбақ болғаны туралы сөзді де жалған деп мәлімдеді. Басшылықтың айтуынша, команда қалыпты режимде жұмыс істеп, жаңа маусымға дайындықты жалғастырып жатыр.
Әкімшілік жанкүйерлер мен БАҚ өкілдеріне тек ресми ақпаратқа сүйенуді сұрады.