RUS
SMARTNEWS.KZ басылымының хабарлауынша, Шымкент қаласындағы арнайы кәмелетке толмағандар ісі жөніндегі ауданаралық сотта автобустың жүргізушісін соққыға жығып, ауыр дене жарақатын келтірген күдікті жасөспірімнің ісі қаралды. Алғашында ол «қасақана ауыр зиян келтіру» баптары бойынша айыпталса да, прокурор сот барысында айыпты «абайсызда ауыр зиян келтіру» деп өзгертті.
Сот анықтағандай, 2025 жылдың 12 маусымында 52-автобустың жолаушысы болған жасөспірім «Бекжан» аялдамасында автобусқа төлем жасамаған. Жүргізуші төлем жасауын талап еткенде, жасөспірім ашуланып, ақыры төлемін жасап бергенімен, жүргізушіні автобус ішінде «мәселені шығару үшін шық» деп айқайлаған. Жүргізуші автобусқа шыққанда жасөспірім оның аузын соққан, салдарынан ауыр дене жарақаты абайсызда келген.
Сотта жүргізушінің куәлігі, сот-медициналық сараптама қорытындылары және басқа да материалдар негізінде жасөспірімнің кінәсі дәлелденді.
Прокурор жасөспірімді кінәлі деп танып, сот процесінде тараптардың татуласуы мен келген зиянды өтеуі негізінде қылмыстық жауапкершіліктен босатуды сұрады. Жүргізуші мен жасөспірім прокурордың ұсынысына келісімін білдірді.
Сот жасөспірімді айыпты деп танып, іс тоқтатылып, қылмыстық жауапкершіліктен босатылды. Шешім әлі заңды күшіне енген жоқ.