RUS
SMARTNEWS.KZ басылымының хабарлауынша, Кремль Еуропаның Украина жөніндегі талаптарын Ресей үшін қабылдауға келмейтін шарттар деп атады. Бұл туралы Ресей президентінің көмекшісі Юрий Ушаков мәлімдеді. Оның айтуынша, Еуропа қақтығысты реттеуге үлес қосып отырған жоқ, керісінше Мәскеу үшін орындалмайтын талаптарды алға тартып келеді.
Ушаков Ресей АҚШ-пен келіссөздерді жалғастыруға дайын екенін жеткізді. Оның сөзінше, Владимир Путин қатысып отырған келіссөздерде белгілі бір ілгерілеу бар, бұл Мәскеуді үміттендіреді.
Президент көмекшісі келіссөздер Анкоридждегі саммитте жасалған уағдаластықтар негізінде жүріп жатқанын атап өтті. 2 желтоқсанда Кремльде Владимир Путин АҚШ президентінің арнайы өкілі Стив Уиткоффпен кездескен. Тараптар территориялық мәселелерді де талқылағанымен, Ушаковтың айтуынша, тараптар ортақ шешімге келе алмаған.