RUS
SMARTNEWS.KZ басылымының хабарлауынша, Шымкенттен Мәскеуге бағыт алған жолаушылар автобусы Ақтөбе облысында жолда қалып, төтенше жағдай қызметі 53 адамды эвакуациялады. Абырой болғанда, ешкім зардап шеккен жоқ.
Оқиға Әйтеке би ауданында, республикалық маңызы бар тасжолдың 950-шақырымында тіркелді. Қар мен боранға байланысты қозғалыс шектелген кезде автобус тоқтап қалған, ал он бес жолаушы жаяу түрде Белқопа ауылына қарай бет алған.
ТЖМ дерегінше, олардың барлығы – 38 автобустың жолаушысы және жаяу жүрген 15 адам – жақын маңдағы жылыту пункттеріне жеткізілген. Эвакуацияланғандардың 11-і – Өзбекстан азаматтары. Медициналық көмекке мұқтаж болғандар жоқ.
Төтенше жағдайлар қызметі алыс жолға шығарда ауа райын ескеру қажеттігін тағы да еске салды.