RUS
SMARTNEWS.KZ басылымының хабарлауынша, ХАМАС Газадағы қаруын болашақ палестиналық басқару құрылымына тапсыруға дайын екенін мәлімдеді. Басты шарт — Израильдің анклавтағы оккупацияны толық тоқтатуы. Бұл туралы қозғалыс жетекшілерінің бірі Хәлил әл-Хайя хабарлады.
Оның айтуынша, ХАМАС аймақтағы атысты тоқтату режимін бақылау үшін БҰҰ күштерінің орналасуына қарсы емес, бірақ ұйымды қарусыздандыруды көздейтін кез келген халықаралық миссияны қабылдамайды. Әл-Хайяның мәлімдемесі АҚШ президенті Дональд Трамп ұсынған бейбіт жоспардың екінші кезеңін іске асыруға қажетті шарттардың бірі ретінде қарастырылады.
6 желтоқсанда ХАМАС қозғалысы Газадағы қаруын Палестина билігіне өткізуге келісетінін жариялады, бірақ бұл тек Израиль армиясы анклавтан толық шыққан жағдайда ғана мүмкін екенін атап өтті.
«Біздің қару-жарағымыз оккупация мен агрессия жағдайымен тікелей байланысты. Егер оккупация аяқталса, бұл қару мемлекет құзырына өтеді», — деді әл-Хайя. Оның сөзінен тәуелсіз палестиналық мемлекет құру мәселесі негізгі талаптардың бірі екені аңғарылады. Бұған дейін ХАМАС қарусызданудан үзілді-кесілді бас тартып келген.
Газадағы жағдай Германия канцлері Фридрих Мерцтің Израильге сапарында да талқыланды.
Сонымен қатар ХАМАС Газаны қарусыздандыру үшін халықаралық бітімгерлік күштерін орналастыру идеясын біржола қабылдамайтынын мәлімдеді. Қозғалыс тек БҰҰ бақылаушыларының шекара мен атысты тоқтату шарттарын қадағалауына келіседі.
Израиль мен ХАМАС арасындағы екі жылдық қақтығыс кейін араағайын елдер — Катар, АҚШ және Египеттің қатысуымен жасалған атысты тоқтату келісімі 10 қазанда күшіне енді. Дегенмен жағдай тұрақты емес: Израиль әскерилерге жасалған шабуылдарға жауап ретінде ХАМАС нысандарына соққы беріп жатыр, ал қозғалыс өз кезегінде қарсыластарына қатаң шара қолдануда.
Катар премьер-министрі Шейх Мұхаммед бен Әбділрахман Әл Тани атысты тоқтату өте әлсіз күйде тұрғанын, оны толыққанды деп санау үшін Израиль әскерінің Газадан толық шығарылуы қажет екенін айтты.