RUS
SMARTNEWS.KZ басылымының хабарлауынша, Ақтөбеде жаяу жүргіншілер өткелінде кішкентай қызды көлік қағып кетті. Оқиға куәсі болған әйел жүргізушіге тап беріп, ашуын тікелей одан шығарған. Жол апатына қатысты ақпаратты облыстық полиция департаменті растады.
Желідегі видеода әйел мен кішкентай қыздың жаяу жүргіншілер жолымен өтіп бара жатқаны көрінеді. Қыз алға озып жүгіріп, дәл сол сәтте Hyundai маркалы көлік тоқтамай, оны қағып өтеді. Қатты шошынған әйел жүргізушінің жанына жетіп, оған жұдырық ала жүгірген. Алайда артынша екі жақ та жарақат алған қызға қарай жүгіргені байқалады.
Полицияның мәліметінше, апат Мир даңғылында болған. Жолды рұқсат етілген жерден кесіп өтпек болған баланы көлік басып өткен. Қыз түрлі жарақат алып, ауруханаға жеткізілген. Дәрігерлер қарап шыққаннан кейін оны үйіне жіберді, жағдайы жақсы.
Құқық қорғау органдары оқиғаның барлық мән-жайын анықтап жатыр.